"Qarabağ"ın baş məşqçisi Qurban Qurbanov "Tottenhem"lə matçdan sonra mətbuat konfransında çıxış edib.

Newsport.az-ın Londona ezam olunmuş əməkdaşının verdiyi məlumuta görə, Qurbanovun matçla bağlı fikirləri bu cür olub: 

"Məğlub olmaq istəməzdik. Rəqibi təbrik edirəm. Həqiqətən də yaxşı komandadı. Bunu əvvəldən də bilirdik. Öz futbolçularım da bəzi epizodlarda düşünmədiyim səhvləri etdi. Qol vurmaq istəyirdik. Bizim üçün 2:1 və ya 3:1-in heç bir önəmi yox idi. Bəlkə boşluqlar oldu deyə son dəqiqələrdə ona görə belə alındı. İlk oyun olduğundan da futbolçularımda həyəcan var idi. Amma bununla belə, öz futbolçularıma inanıram",