Almaniya millisinin baş məşqçisi Yurgen Klopp UEFA Millətlər Liqasının Serbiya yığmasına qarşı keçirilən oyununda (2:0) komandasının çıxışından məmnunluğunu ifadə edib.

Almaniya yığması Serbiya millisi ilə matçda rəqibini qapıya zərbələr üzrə böyük fərqlə üstələyib – 32:1. Bundestimin daha çox fərqlənmək imkanı olsa da, Tom Bişof və Florian Virtsin dəqiq zərbələri ilə kifayətlənib.

Newsport.az xarici KİV-ə istinadən xəbər verir ki, almaniyalı mütəxəssis topla və topsuz çox yaxşı oynadıqlarını bildirib:

“Bugünkü oyunda nə xoşuma gəldi? Hər şey. Başlanğıc, orta və sonluq. Rəqibin cərimə meydançasını möhtəşəm şəkildə doldururduq. Belə oynamaq üçün cəsarət lazımdır. Amma topu komanda şəkildə bu qədər yaxşı geri qaytaranda istənilən riskə gedə bilərik. Pressinq etmək lazım gələndə hamı öz mövqeyində idi.

Topla və topsuz çox yaxşı oynadıq. Belə çıxış bizim üçün örnək olmalıdır. Bunu daim nümayiş etdirə biləcəyikmi, zaman göstərəcək. Bu, inkişafımızda növbəti addımdır. Öyrənməyə davam edirik”.

Almaniya millisi son oyununu bazar günü səfərdə Yunanıstan yığmasına qarşı keçirəcək.