“Borussiya”nın yarımmüdafiəçisi İlkay Gündoğan "Qəbələ" ilə matçdan sonra müsahibə verib.
- "Qəbələ” üzərində ikinci qələbənizi qazandınız. Qələbəni necə şərh edərdin?
- Qələbəyə layiq olduğumuzu düşünürəm. Düzdü, birinci hissə asan keçmədi. Hesabı açana qədər çətinlik çəkirdik. Lakin hissənin sonuna yaxın 2 qol vurduq.
- "Borussiya” oyunun taleyini birinci hissədə həll etdi. Düzdü?
- Həqiqətən də ilk yarıda vurduğumuz iki qolla matçın müqəddəratını həll etdik. Fasilədən sonra da daha 2 qol vurduq və beləcə qələbə qazandıq.
- Bu gün oyuna ehtiyat oyunçular skamyasından başlamağının səbəbi nə idi: baş məşqçi səni Bundesliqada “Şalke”yə qarşı keçirəcəyiniz oyun üçün qoruyurdu?
- Belə deməzdim. Düzdü, həftəsonu bizi Bundesliqada “Şalke” ilə çətin oyun gözləyir. Lakin sırf buna görə ehtiyatda qaldığımı düşünmürəm. Biz bu günə qədər yalnız “Qəbələ” ilə oyunu düşünürdük. “Şalke” ilə görüş barədə sabahdün fikirləşəcəyik. Digər tərəfdən də son həftələr ardıcıl oyunlar keçiririk. Buna görə bir qədər yorğunluq da vardı. Amma komanda yoldaşlarım da əllərindən gələni etdilər. Mənim yoxluğum heç hiss olunmadı.
- Qarşıda “Borussiya”nı səfərdə “Krasnodar”la oyun gözləyir. Artıq siz pley-offa vəsiqəni təmin etmisiz. Həmin oyuna da qələbə üçün yollanacaqsız, yoxsa komanda gücünü qoruyacaq?
- Yox, biz səfərə də 3 xal üçün yolllanacağıq. Əlimizdən gələni edəcəyik ki, Krasnodardan qələbə ilə qayıdaq. 1/16 finala vəsiqə qazansaq da, qrup birinciliyini təmin etməmişik.
Sportinfo.az