ABŞ-ın “Los Anceles Qalaksi” klubunun yeni baş məşqçisinin adı açıqlanıb.

Newsport.az xəbər verir ki, MLS təmsilçisinin “sükan”ı Qilyermo Barros Skelottoya tapşırılıb. Bu barədə klubun rəsmi saytı məlumat yayıb.

Müqavilənin müddəti və digər detalları barədə məlumat verilməyib.

45 yaşlı argentinalı mütəxəssisin son iş yeri "Boka Xuniors" olub.

İsveçli hücumçu Zlatan İbrahimoviçin də formasını geyindiyi “Los Anceles Qalaksi”ni son olaraq Dominik Kinner çalışdırırdı.