"Barselona"nın yarımmüdafiəçisi Frenki de Yonq "Real"a 1:2 hesablı məğlubiyyət haqda danışarkən komandanın çətin oyunlardan sonra təslim olmamağa çağırıb.

Newsport.az klubun mətbuat xidmətinə istinadən xəbər verir ki, niderlandlı futbolçu komandasının uğursuz nəticəsi haqda bu cür danışıb:

"Bu, ümid etdiyimiz və ya gözlədiyimiz nəticə deyildi. Çətin, emosional tərəfdən tükənmiş həftədən sonra ayağa qalxmalıyıq. Bu dövrü dəf etmək üçün kifayət qədər keyfiyyətli və əla komandamız var. İndi ən vacib şey özümüzə və öz qabiliyyətlərimizə inamı heç vaxt itirməməkdir".