Avropa çempionatının pley-off mərhələsi çərçivəsində Slovakiya ilə matça və Avropa Oyunlarına hazırlıqlarını davam etdirən qadın voleybolçulardan ibarət Azərbaycan millisi Bakıda yaşayış evində baş vermiş yanğın nəticəsində dünyasını dəyişənləri yad ediblər.

Newsport.az-ın məlumatına görə, yığmamız baş məşqçi Faiq Qarayev başda olmaqla binanın qarşısında anım mərasiminə qatılıb.

Onlar faciə baş verən binanın qarşısına qərənfillər düzərək, yanğında dünyasını dəyişənlərə Allahdan rəhmət diləyiblər.