Karate üzrə dünya çempionu Məhərrəmov Vahidin valideynləri oğullarının uğurlarını qeydə alınmayaraq, Azərbaycan Dövlət Bədən Tərbiyəsi Universitetinə qəbul olunmadığına görə, prezidenti və xanımına müraciət edib.
Newsport.az həmin müraciəti olduğu kimi diqqətinizə çatdırır:
Azərbaycan Respublikasının Prezidenti
Möhtərəm İlham Əliyev Cənablarına ,
Heydər Əliyev Fondunun Prezidenti
Hörmətli Mehriban xanım Əliyevaya ,
Dövlət Bədən Tərbiyəsi və İdman Akademiyasının rektoru Ağacan Abiyevə
Karate Federasiyasının Prezidenti, Milli Məclisin üzvü,
Ülvi Quluyevə,
Gənclər və İdman Naziri
Azad Rəhimova
Bakı şəhəri , H. Cavid pr- ti ,577-ci məhəllə , ev 87 , mənzil 325-də daimi qeydiyyatda olan Məhərrəmov Vahid Tofiq oğlunun anası Məhərrəmova Naida Nazim qızı , atası Məhərrəmov Tofiq Xanlar oğlu tərəfindən
(Əlaqə tel. 050 320 – 81 – 29)
M Ü R A C İ Ə T
Bizim oğlumuz Məhərrəmov Vahid Tofiq oğlu idman sahəsini seçərək 13 yaşından dünya çempionatlığını qazanaraq Azərbaycanımızı təmsil edib bayrağımızı qaldırıb və bu vaxta qədər Respublika, Dünya və Avropa Çempionatlarını qazanaraq indiyədək olkəmizə çox sayda qızıl medallar gətirmişdir. Çox sağ olsunlar ki , idman sevərlərin sayəsində dövlətimiz və hökumətimiz gənc idmançı uşaqların imtahansız İdman Akademiyasına qəbul olunması üçün Təhsil haqqında Qanuna 26.5 maddəsini qəbul etdirib .
Həmin Qanuna istinad olunaraq BJKKF,AQOKKNF-nin prezidenti İOQKF-nin № 054 saylı və 053 saylı “07“ iyul 2014–cü il tarixli məktubundan sübut olunur ki ,Azərbaycan Respublikasının Təhsil Haqqında Qanunun 26.5 maddəsi ilə bizim oğlumuzun İdman Akademiyasına qəbul olmağı təmin edilməli və TQDK tərəfindən qəbulolma siyahısına salınmalı və ona tələbə bileti verilməlidir .Yuxarıda qeyd olunan çempionatları qazandığına , ölkəmizə kubok , qızıl medallar , diplom və “qramotalar” gətirdiyinə, Azərbaycanımızı təmsil etdiyinə və qəbul olunmuş qanuna görə oxumaq bizim oğlumuzun haqqıdır . Lakin uşağın tələbə biletinin konkret kim və hansı qurum tərəfindən verilməsi hələ də bilinmir. Oğlumuzun tələbə biletinin verilməsinə kömək etməyinizi Sizdən xahiş edirik .
İnanırıq ki, H.Əliyev siyasətinin davamçıları olan hər bir vəzifə sahibi bu məsələyə kömək edəcəkdir.
Mənbə: Qafqaznews.az saytı
