"Bütün komanda bu mühitə adaptasiya olunub" - "Neftçi"nin braziliyalısı

Kateqoriya: Ölkə futbolu | Tarix: 18.01.2021 01:25

“Hazırlığımız yaxşı gedir. Məşqçilərin tapşırığını düzgün yerinə yetirməyə çalışırıq. Əlimizdən gələni edirik ki, məqsədimizə çataq”.

Newsport.az-ın məlumatına görə, bu sözləri “Neftçi”nin futbolçusu Tallison Dias klubun televiziyasına açıqlamasına açıqlamasında təlim-məşq toplanışı barədə danışarkən deyib.

Braziliyalı müdafiəçi bildirib ki, hazırkı şəraitdə ölkə xaricinə getməkdənsə, Bakıda qalıb hazırlıq keçmək daha yaxşıdır: “Bütün komanda buradakı mühitə adaptasiya olunub. Bu, bizim üçün daha faydalı olacaq”.

“Keşlə” ilə yoxlama matçında (4:3) dubl edən Tallison bu barədə də danışıb: "Sevindirici haldır ki, son oyunda iki qol vurdum, komandaya köməyim dəydi. Bu cür oyunumuz məşqlərdən irəli gəlir. Orda etdiklərimizi matçlarda təkrarlamağa çalışırıq”.