"Qalatasaray" Kiyev "Dinamo"su ilə yoxlama oyunu keçirəcək.
Newsport.az Ukrayna mətbuatına istinadən xəbər verir ki, Rusiya - Ukrayna müharibəsində yetim qalan ukraynalı uşaqlara kömək etmək məqsədi ilə bu görüş oynanılacaq. Matç aprelin 14-ü İstanbulda keçiriləcək.
Məlumatı Ukrayna klubunun baş məşqçisi Mirça Luçesku təsdiqləyib.
Qeyd edək ki, hazırda Rumıniyada təlim-məşq toplanışında olan "Dinamo" aprel-iyun aylarında Avropa klubları ilə bir sıra yoxlama görüşləri keçirməlidirlər. Klublar arasında Dortmund "Borussiya"sı (Almaniya) , PSJ (Fransa) , "Barselona" (İspaniya) və "Milan" (İtaliya) da var.