Futbol üzrə İtaliya A Seriyasında 28-ci tura start verilib.

Newsport.az-ın məlumatına görə, ilk oyun günündə bir görüş baş tutub.

Turun açılış matçında “İnter” çempionatın autsayderi “Salernitana”nı sınağa çəkib. Bütün turnirləri nəzərə alsaq, 5 oyundur qələbə üzünə həsrət qalan “neradzurra”nın tilsimi bu oyunda qıracağı gözlənilirdi. Milan təmsilçisi sözügedən matçda 5 cavabsız qola sevinib.

Şənbə günü üç qarşılaşma baş tutub. “Udineze” doğma meydanda “Sampdoriya” ilə qarşılaşıb. Üç qolun qeydə alındığı matçda meydan sahibləri qələbə qazanıblar. “Roma” “Atalanta”nı qəbul edib. Bu komandaların turnir cədvəlində bir-birinə qonşu olması oyunun intriqasını daha da artıran məqamlardan idi. Paytaxt təmsilçisi bu görüşdə minimal hesabla qalib gəlib. Səfərdə “Kalyari” ilə qarşılaşan “Latsio” isə darmadağına sevinib.

Bu turda əsas diqqətlər “Napoli” – “Milan” matçına yönələcək. Çempionluq uğrunda mübarizə aparan komandaların duelinə maraq böyükdür. İlk dövrədəki qarşılaşmada Neapol təmsilçisi səfərdə minimalhesablı qələbə qazanmışdı.

İtaliya A Seriyası, 28-ci tur

4 mart

İnter – Salernitana 5:0
Qol: L.Martines, 22; 40; 56. Dzeko, 64; 69.

5 mart

Udineze – Sampdoriya 2:1
Qol: Deulofeu, 3. Udoqye, 12 – Kaputo, 13.

Roma – Atalanta 1:0
Qol: T.Abraham, 32.

Kalyari – Latsio 0:3
Qol: İmmobile, 19. L.Alberto, 42. F.Anderson, 62.

6 mart

15:30 Cenoa – Empoli
18:00 Bolonya – Torino
18:00 Venetsiya – Sassuolo
18:00 Fiorentina – Verona
21:00 Yuventus – Spetsiya
23:45 Napoli – Milan