Futbol üzrə İtaliya A Seriyasında 27-ci tura start verilib.

Newsport.az-ın məlumatına görə, ilk oyun günündə iki görüş baş tutub.

Turun açılış matçında çempionatın lideri “Milan” “Udineze”ni sınağa çəkib. Tərəflər bu oyunda hərəyə 1 qol və 1 xalla kifayətləniblər.

Son 3 turda qalibiyyət tanımayan “İnter” liderdən uzaq düşməmək üçün “Cenoa” səfərindən 3 xalla qayıtmağa çalışıb. Lakin bu oyun da heç-heçə bitib.

Şənbə günü üç qarşılaşma baş tutub. “Salernitana” – “Bolonya” matçında qalib müəyyənləşməyib. “Fiorentina” isə səfərdə “Sassuolo”ya uduzub. Beş qolun qeydə alındığı “Empoli” – “Yuventus” matçında Turin təmsilçisi qələbə qazanıb.

Turun diqqətçəkən matçlarından biri də Romada oynanılacaq. Burada “Latsio” və “Napoli” münasibətlərinə aydınlıq gətirəcəklər.

İtaliya A Seriyası, 27-ci tur

25 fevral

Milan – Udineze 1:1
Qol: Leao, 29 – Udoqye, 66.

Cenoa – İnter 0:0

26 fevral

Salernitana – Bolonya 1:1
Qol: Zortea, 72 – Arnautoviç, 43.

Empoli – Yuventus 2:3
Qol: Jurkovski, 40. Mantiya, 76 – Kin, 32. Vlahoviç, 45+2; 66.

Sassuolo – Fiorentina 2:1
Qol: Traore, 19. Defrel, 90+4 – Kabral, 88.

27 fevral

15:30. Torino – Kalyari
18:00. Verona – Venetsiya
21:00. Spetsiya – Roma
23:45. Latsio – Napoli

28 fevral

23:45. Atalanta – Sampdoriya