"Qalatasaray" heyətinə yeni oyunçu cəlb edib.
Newsport.az xəbər verir ki, bu barədə klubun rəsmi saytı məlumat yayıb.
İstanbul təmsilçisi "Malatyaspor"la sözləşməsini ləğv edən sabiq futbolçusu Semih Kaya ilə mövsümün sonuna qədər müqavilə imzalayıb.
Qeyd edək ki, Türkiyə millisinin sabiq üzvü "Qalatasaray"ın yetirməsidir. 30 yaşlı müdafiəçi "Sparta" (Praqa), "Qaziantepspor", "Kartalspor"da da oynayıb.