Çempionlar Liqası: Qrup mərhələsinə start verilir Yenilənir

Kateqoriya: Dünya futbolu | Tarix: 14.09.2021 10:03

Bu gün futbol üzrə UEFA Çempionlar Liqasında 2021/22 mövsümünün qrup mərhələsinə start veriləcək. Newsport.az xəbər verir ki, 1-ci turun ilk oyun günündə E, F, G və H qrupunun matçları keçiriləcək.

E qrupunda İspaniyanın “Barselona” komandası doğma meydanda Almaniya “Bayern”i ilə qarşılaşacaq. Qrupun digər matçında “Benfika” Kiyevdə “Dinamo”nun qonağı olacaq.

Turnirin son qalibi “Çelsi” H qrupu çərçivəsində ilk turda Rusiya təmsilçisi “Zenit”i sınağa çəkəcək. İtaliya A Seriyasında mövsümə uğursuz start verən “Yuventus”un ÇL-də ilk rəqibi “Malmö” (İsveç) olacaq.

F qrupunda heyətini Kriştiano Ronaldo ilə gücləndirən “Mançester Yunayted” İsveçrənin “Yanq Boyz” komandası ilə üz-üzə gələcək. Qrupun digər oyununda “Atalanta” “Vilyarreal”ın müqavimətini qırmağa çalışacaq.

Qrup mərhələsinin digər oyunları sabah keçiriləcək.

UEFA Çempionlar Liqası

Qrup mərhələsi

14 sentyabr

F qrupu

20:45 Yanq Boyz (İsveçrə) – Mançester Yunayted (İngiltərə)

23:00 Vilyarreal (İspaniya) – Atalanta (İtaliya)

G qrupu

20:45 Sevilya (İspaniya) – Zalsburq (Avstriya)

23:00 Lill (Fransa) – Volfsburq (Almaniya)

E qrupu

23:00 Barselona (İspaniya) – Bayern (Almaniya)