Türkiyənin "Qaziantep Algspor" klubu qadınlardan ibarət Azərbaycan milli komandasının üzvü Jalə Məsimova ilə müqavilə imzalayıb.

Newsport.az-ın məlumatına görə, millimizin üzvü mövsüm sonuna qədər türk klubunda oynayacaq. Yarımmüdafiəçi bundan əvvəl Azərbaycanda “Uğur”, “Vətən”, həmçinin Rusiyada “Torpedo”(Lyevsk), “Zenit”(Sankt-Peterburq) klublarında çıxış edib. 

Klubun prezidenti Əli Gözcü transferlə bağlı rəsmi sayta açıqlamasında Jalə haqda xoş sözlər deyib: “Biz Azərbaycan millisindən güclü oyunçu gətirmişik. Ona komandamızda uğurlar arzu edirik. İnanırıq ki, Jalə komandamızı gücləndirəcək. Yaxşı hazırlaşaraq, yeno mövsümə tam hazır olacağıq”.