“Zenit”in hücumçusu Sebastyan Driussi “Roma”ya keçə bilər.

Newsport.az-ın məlumatına görə, bu barədə “La Gazetta dello Sport” xəbər yayıb.

Bilidirilir ki, Sankt-Peterburq təmsilçisi bu mövsüm Çempionlar Liqasına vəsiqə qazana bilmədiyi üçün argentinalı futbolçu özü də komandanı tərk etmək istəyir. Driussinin transfer qiyməti 12 milyon avrodur.

Qeyd edək ki, 22 yaşlı futbolçu ötən ilin yayında “River Pleyt”dən “Zenit”ə keçib. O başa çatan mövsümdə 27 oyuna 5 qol vurub, 5 məhsuldar ötürmə edib.