"28 May" metrostansiyasından "Lökbatan" Nəqliyyat Mübadilə Mərkəzi istiqamətinə 125 saylı marşrut xəttinin təşkil edilməsindən sonra Azərbaycan Velosiped İdmanı Federasiyasının baş katibi Fərhad Əliyevin Bakı Nəqliyyat Agentliyinin (BNA) baş direktoru Vüsal Kərimliyə ünvanladığı məktuba qarşı tərəfdən müsbət cavab verilib.
Belə ki, məktubda marşrut xəttinin üzərində yerləşən və Azərbaycanın ən böyük idman qurğularından biri olan Velopark yaxınlığındakı dayanacağın məhz "Velopark" adlandırılması ilə bağlı BNA-ya müraciət ünvanlanmışdı.
Obyektin ölkə idmanı üçün əhəmiyyətini və xüsusən turistlərin bu əraziyə marağanı nəzərə alan BNA rəhbərliyi dayanacağın "Velopark" adlandırılmasını məqsədəuyğun hesab edib.