“Çelsi” müdafiəçisi Aaron Anselminonun Dortmund “Borussiya”sındakı icarəsini vaxtından əvvəl dayandırmağı nəzərdən keçirir.

20 yaşlı futbolçunun qış transfer pəncərəsində geri çağırılması üçün klubun əsası var. Bu addımın səbəbi isə Anselminonun arxa bud əzələsindəki zədəsidir ki, nəticədə, futbolçu Almaniya klubunda minimal oyun vaxtını keçirə bilməyib.

Newsport.az xəbər verir ki, bu barədə “Sky Sport Germany” məlumat yayıb.

Yaranmış vəziyyətə baxmayaraq, Anselmino Dortmundda keçirdiyi zamandan məmnundur, ancaq yekun qərar “Çelsi”dədir.

Futbolçu cari mövsümdə “Borussiya” ilə bütün turnirlərdə 9 oyuna çıxıb, 1 qol vurub və 1 məhsuldar ötürmə verib.

“Çelsi” UEFA Çempionlar Liqasının 4-cü turunda Bakıda “Qarabağ”la qarşılaşıb – 2:2.