“Real”ın baş məşqçisi Xabi Alonso daha əvvəl Madrid klubunda, indi isə “Komo”da çıxış edən yarımmüdafiəçi Nikolas Pasın inkişafı barədə fikirlərini bölüşüb.

Newsport.az xarici KİV-ə istinadən xəbər verir ki, o, argentinalı futbolçunun keçən il “Komo”ya keçməklə çox düzgün addım atdığını söyləyib:

“Əlbəttə, Nikonun keçən il “Komo”ya keçməsi çox ağıllı addım idi. “Komo” – “Yuventus” oyununu (2:0) izlədim, onlar çox yaxşı oynadılar, Pas da daxil olmaqla”.

21 yaşlı futbolçu gələcəkdə “Real”ın transfer planlarında yer alır. O, cari mövsümdə A Seriyasında 7 oyuna çıxaraq, 4 qol vurub və eyni sayda məhsuldar ötürmə verib.