“Barselona”nın yarımmüdafiəçisi Qavi dizindən əməliyyat olunub.

Həkimlər onun sağalmasının təxminən 4-5 ay çəkəcəyini təxmin edirlər.

Newsport.az xəbər verir ki, ispaniyalı yarımmüdafiəçi sosial şəbəkədə komanda yoldaşları Ronald Arauxo, Pedri və Lamin Yamalla xəstəxana otağından foto paylaşaraq, hər kəsə dəstəyə görə təşəkkür edib:

“İnsanlar bilirlər, “Barsa”nı və komandamı sona qədər müdafiə etmək üçün nə qədər lazımdırsa, o qədər vaxta geri qayıdacam. Əsl çempion uğur anlarında deyil, uğursuzluqdan qalxmaq bacarığında üzə çıxır”.

Qavi ötən mövsümdə də zədə səbəbindən uzun müddət yaşıl meydanlardan kənarda qalmışdı.