"Meydana 3 xal qazanmaq üçün çıxmışdıq. 90 dəqiqə boyu qələbə üçün mübarizə apardıq. Amma təəssüf ki, sonda iki xal itirdik. Qarşıdakı oyunlarda daha yaxşı çıxış edib, qələbə qazanaraq, itirilən xalların əvəzini çıxmalıyıq”.

Newsport.az-ın məlumatına görə, bu sözləri "Zirə” ilə oyundan sonra (0:0) "Qəbələ”nin yarımmüdafiəçisi Elvin Camalov deyib.Gənc yarımmüdafiəçi II dövrənin ilk oyunu haqqında fikirlərini açıqlayıb. :

 "Komandamız hazırda turnir cədvəlinin ən yüksək pilləsində qərarlaşıb. Biz də həmişə ən yaxşı yerlər üçün mübarizə aparmışıq. Məqsədimiz çempionluqdu. Mövsümün böyük hissəsi hələ irəlidədi. Zirvədəki mövqeyimizi sonadək qorumağa çalışacağıq. Bütün oyunlarda var qüvvəmizlə mübarizə aparıb, çempionluq vəzifəsinin öhdəsindən gəlməliyik”.