Fernan Lopes yenidən “Qəbələ”də!

Kateqoriya: Ölkə futbolu | Tarix: 08.10.2021 14:00

Azərbaycan Premyer Liqasında milli komandaların oyunları ilə əlaqədar yaranan fasilə dövründə hazırlığını davam etdirən “Qəbələ” heyətinə yeni futbolçu qatıb. Newsport.az xəbər veirr ki, Fernan Lopes yenidən “qırmızı-qaralar”ın formasını geyinəcək.

Bu barədə klubun rəsmi saytı məlumat yayıb. 26 yaşlı ispaniyalı yarımmüdafiəçi ilə mövsümün sonuna qədər müqavilə imzalanıb.

Fernan 2019/20 mövsümündə də “Qəbələ”nin heyətində çıxış edib. O, bu komandada keçirdiyi 22 oyunda 3 qol vurub. “Selta” klubunun yetirməsi olan Lopes 2011-14-cü illərdə bu klubun B komandasında oynayıb. O, karyerası ərzində “Kompostela”, “Çoko”, “Ximnastika Seqoviana” və “Barakaldo” klublarının da formasını geyinib. Fernan 2020/21 mövsümündə Polşa təmsilçisi “Yagelloniya”da çıxış edib. O, bu komandada 11 matçda şans qazanıb.

Paylaş