"Qarabağ" qış təlim-məşq toplanışı üçün ölkə xaricinə getməyəcək.

Newsport.az-ın məlumatına görə, bu barədə Ağdam təmsilçisinin baş məşqçisi Qurban Qurbanov Azərbaycan Premyer Liqanın 12-ci turunda "Qəbələ" ilə heç-heçə etdikləri oyundan (1:1) sonra mətbuat konfransında deyib.

O bildirib ki, ölkə xaricinə çıxmağa risk etməyəcəklər: "Oyunçularımız haradasa koronavirusa yoluxsa, onların orada qalmaları bizə sərf etmir. Düşündük ki, burada qalaq, oyunçular öz nəzarətimizdə olsun. Bakıda hazırlaşmağımız daha uyğundur".