"Spartak"ın (Moskva) yeni baş məşqçisi müəyyənləşib.
Newsport.az klubun saytına istinadən xəbər verir ki, Ruy Vitoriyanın istefaya göndərilməsindən sonra boş qalmış baş məşqçi vəzifəsi Paolo Vanoliyə həvalə olunub. 49 yaşlı mütəxəssis son 4 ildə “İnter”, “Çelsi” və İtaliya A millisində Antonio Kontenin köməkçisi işləyib.
Xatırladaq ki, “Spartak” bir neçə gün əvvəl portuqaliyalı Rui Vitoriyanı istefaya göndərib.
"Spartak" Rusiya Premyer Liqasında bu mövsümün ilk hissəsini 23 xalla 9-cu pillədə başa vurub.