"Yenidən bu formanı geyinmək qürurvericidir. Hamının xəyalı böyük turnirlərdə ölkəni layiqincə təmsil etməkdir".

Newsport.az xəbər verir ki, bu fikirləri Türkiyə millisinin futbolçusu Abdülkadir Ömür Azərbaycan millisini 2:1 hesabı ilə məğlub etdikləri yoldaşlıq oyunundan sonra deyib.

Yarımmüdafiəçi qardaş ölkə ilə gözəl oyun keçirdiklərini söyləyib: "Meydanda həm Azərbaycan, həm də türkcə danışırdıq. Əsl dostluq oyunu oldu.

Yaxşı komandamız var. Ümid edirəm ki, Avropa çempionatına uğurlu start verib davamını gətirərik"