“Yuventus”un futbolçusu Duqlas Kosta "Sassuolo" ilə oyunda (2-1) rəqib futbolçu Di Françeskonun üzünə tüpürdüyü üçün sərt cəzalanıb.

Newsport.az xəbər verir ki, Braziliya millisinin üzvü 4 oyunluq cəzalanıb. Bu barədə İtaliya mətbuatı məlumat yayıb.

Qeyd edək ki, Kosta öncə Di Françeskoya dirsəklə, sonra təpiklə və nəhayət, kəllə ilə sonda vurub. Hirsi soyumayan braziliyalı son saniyələrdə italiyalı futbolçu ilə dialoq zamanı üzünə tüprüb. Kosta açıqlamasında üzr istəsə də, Di Françeskonun ona qarşı xoş sözlər demədiyi üçün bu addımı atdığını deyib.