Rusiyanın “Zenit” klubu ciddi itki ilə üzləşib.

Newsport.az xəbər verir ki, komandanın hücumçusu Aleksandr Kokorin Romada diz bağlarından əməliyyat olunub. 26 yaşlı hücumçunun bərpa müddəti 4-5 ay çəkəcəyi bildirilir. Bu isə o deməkdir ki, Rusiya millisinin üzvü yayda ölkəsində keçiriləcək dünya çempionatında iştirak edə bilməyəcək.

Qeyd edək ki, Kokorin Avropa Liqasının 1 /8 finalında “Leypsiq”lə oyunda zədələnmişdi.