Gürcüstan millisi yoxlama oyununda Latviya ilə üz-üzə gəlib.
Newsport.az-ın məlumatına görə, matçın iştirakçıları arasında “Neftçi”nin müdafiəçisi Georgi Navalovski və “Qəbələ”nin yarımmüdafiəçisi Nika Kvekveskiri də olub.
Hər iki futbolçu Gürcüstan millisinin start heyətində yer alıb. Navalovski 76-cı dəqiqədə əvəzləndiyi halda, Nika 90 dəqiqə meydanda olub.
Görüş Gürcüstan yığmasının 5:0 hesablı qələbəsi ilə tamamlanıb.