“Roma” İtaliya çempionatının 21-ci turunda “Kalyari”ni 1:0 hesabıyla məğlub edib.

Newsport.az xəbər verir ki, Edin Dzekonun vurduğu qolla rəsmiləşən qələbə “Roma” üçün əlamətdar olub. “Canavarlar” 1930-cu ildə vurduqları rekordu 87 ildən sonra təkrarlayıblar.

Bu, “Roma”nın A seriyasında evdə qazandığı ardıcıl 13-cü qələbə olub. Yeni rekord müəyyənləşdirmək üçün “Roma” 23-cü turda “Fiorentina”ya qalib gəlməlidi.