Bu gün “Bakı-2015” I Avropa Oyunlarında qadın voleybolçular arasında növbəti turun oyunları keçirilir. 

Newsport.az-ın məlumatına görə, Bakı Kristal Zalında III turun oyununa çıxan Azərbaycan yığması İtaliya ilə qarşılaşıb.  

İlk iki setdə qalib gələn yığmamız üçüncü setdə məğlub olub. Lakin dördüncü setdə qələbə qazanan komandamız ardıcıl üçüncü oyunundan da qalib ayrılıb - 3:1.

A qrupunun digər oyununda Polşa Rumıniya ilə qarşılaşıb. Rəqibini 3:0 hesabı ilə məğlub edən Polşa turnir cədvəlində ikinci pilləyə yüksəlib.

Qrupun son qarşılaşmasında Türkiyə və Belçikanı komandaları üz-üzə gələcək.

Qeyd edək ki, bundan əvvəl keçirdiyi hər iki görüşdə qalib gələn yığmamız qrup lideridir. 

 


17 iyun

A qrupu

16:30. İtaliya – Azərbaycan - 1:3 (22:25, 20:25, 25:22, 22:25)

20:00. Belçika – Türkiyə

11:00. Polşa – Rumıniya - 3:0 (25:23, 25:15, 25:17)