"Qәbәlә" İdman Klubunun kinqboksçusu Pәrviz Abdullayev "Glory World Series"dә ilk dәfә olaraq rinqә çıxacaq.
Newsport.az-ın məlumatına görə, Abdullayev bu görüşdә mәrakeşli Әziz Kalla ilә görüşәcәk.
Bu gün mәtbuat konfransı keçirən kinqboksçumuz bildirib ki, mәqsәdi bu turnirdә iştirak etmәk olub: "44 peşәkar döyüşә çıxıb 40 qәlәbә qazanmışam. Sonuncu döyüşümdә bilirdim ki, "Glory"dә döyüşәcәm. Ya Milanda "Glory 25"-dә, ya da Amsterdamda "Glory 26"da döyüşmәli idim. Bu artıq әn yüksәk sәviyyә idi. İnanıram ki, Azәrbaycanı yüksәk sәviyyәdә sәviyyәdә döyüşәcәm. Mәnim üçün böyük fәxrdir. Yәqin ki, bundan sonra "Glory" ilә müqavilә imzalanacaq"
Döyüşçümüz müqavilә müddәti haqqında da danışıb: "1 illik müqavilә olacaq. Bu da qalib gәlәcәyim halda mümkündür. Bu müddәt әrzindә 3-4 döyüş tәklif oluna bilәr. Hәmin döyüşlәrdә superulduzlar rәqibim olacaq. Son hazırlıqlarımı Füzuli Musayevlә keçirәm. O, karateçi olduğundan ayaqlarım inkişaf edir. Ayaqla dönüb zәrbәlәr vurmaq bu döyüşdә şou kimi qәbul edilir vә effekti olur. Ona görә dә ümid edirəm ki, yaxşı olacaq".
Abdullayev rәqibi haqqında da fikirlәrini bölüşüb: "Rәqibin yaşı az olsa da, "Glory"dә çıxış edirsә, demәki güclüdür. O, Hollandiya mәktәbinin yetirmәsidir. Әsasәn 2 nömrәdә işlәyir. Mәnim üçün birinci hücumdur vә döyüşüm elә quracam. Bu döyüşlәrdә әsas mәqsәd gücümü göstәrmәkdir".
"Hansı idmançı ilә qarşılaşmaq istәrdiniz" sualına Abdullayev belә cavab verib: "Çox idmançılar var. Bunların içindә ermәnilәr dә var. Mәsәlәn, Corc Petrasyan var. İtaliya bayrağı ilә döyüşsә dә, ermәnidir. İstәrdim onunla qarşılaşım".
Kinqboksçumuz bundan öncә ermәni idmançı ilә qarşılaşmalı olduğu halda rәqibin bundan imtina etmәsindәn danışıb: "İtaliyada belә bir döyüş ola bilәrdi. Amma ermәni imtina etdi".
İdmançımız mәrakeşli idmançı ilә döyüşdә ehtiyatla çıxış edәcәyini bildirib: "Ehtiyatlı olmaq lazımdır. Bu görüşlәrdә elә zәrbә ala bilәrsәn ki, hәr şey bitәr".
Abdullayev görüşün keçirilәcәyi mәkandan vә orda dәstәk olacaq azәrbaycanlılardan danışıb: "Mәn 2010-cu ildәn Amsterdama döyüşlәrә gedirәm. Hәmişә azәrbaycanlılar mәnә dәstәk olub. Bu dәfә fәrqli olmayacağını düşünürәm. Amsterdamda hәmin gün dünya ulduzları olacaq. Ümid edirәm ki, mәn dә orda yaxşı çıxış edәcәm. Bu, dünyanın diqqәtini cәlb edә bilәr".
