"Qarabağ" mövsümün ən vacib oyununa çıxacaq. Çünki qazanılacaq bir xal komandanın növbəti mərhələyə çıxmasına kömək olacaq. İndiyə qədər oynadıqları oyun onlardan bu nəticəni gözləməyə əsas verir".

Newsport.az-ın məlumatına görə, bu sözləri Sportal.az saytına açıqlamasında "Qarabağ"ın sabiq forvardı Branimir Subaşiç deyib.

Vaxtı ilə Ağdam klubunda oynamış serbiyalı onların Avropa Liqasının 5-ci turunda "Nant"la qarşılaşmasından gözləntilərini söyləyib.

Onun fikrincə "Qarabağ" bu mövsüm Avropa Liqasında qrupdan çıxdıqdan sonra bir neçə mərhələ də keçə bilər:

"Dediyim kimi, "Qarabağ" çox baxımlı, yaxşı futbol nümayiş etdirir. Məhz bu, onların avrokuboklarda daha da irəliyəcəyinə inam yaradır. Doğrudu, püşkatmadan da çox şey asılıdı. Nümayiş etdirdiyi oyunla "Qarabağ"ın pley-off mərhələlərində də nələr bacaracağını düşünmək çətin deyil. İnanıram ki, Nantda istənilən nəticə əldə olunacaq və Avropa Liqasında da daha uzağa gedəcəklər".