"Zirə" bu gün Avropa Liqasının birinci təsnifat mərhələsində cavab görüşünə çıxıb.

Newsport.az xəbər verir ki, Rəşad Sadıqovun rəhbərlik etdiyi kollektiv "Şerif"lə qarşılaşıb.

Görüşün əsas və əlavə vaxtı Moldova təmsilçisinin 2:1 hesablı qələbəsi ilə başa çatıb. Penaltilər seriyasında daha dəqiq olan "Şerif" növbəti mərhələyə vəsiqə qazanıb.

Bu komandalar arasında Tiraspolda baş tutmuş oyun "Zirə"nin 1:0 hesablı qələbəsi ilə yekunlaşmışdı.

Avropa Liqası, 1-ci təsnifat mərhələsi, cavab oyunları

20:00. "Zirə" (Azərbaycan) - "Şerif" (Moldova) - 1:2 (Penaltilər - 4:5)

Qol: Rafael Utziq, 5 (1:0), Əyyub Allaş, 54 (1:1), Papa Yade, 77 (1:2)

Qırmızı vərəqə: Salifu Suma, 40 ("Zirə")

Hakimlər: Bulat Sarıyev, Denis Lobaşov, Yuri Tixonyuk, Aidın Tossibayev (Qazaxıstan) 

"Dalğa Arena" 

İlk oyun - 1:0