Ukraynanın 1-ci divizionunda çıxış edən "Minay"ın futbolçusu Anatoli Nuriyev açıqlamasında "Sumqayıt"dan təklif aldığını bildirib.

Newsport.az xəbər verir ki, ukraynalı hücumçu təklifdən imtina edib, "Minay"a keçməsinin səbəbini açıqlayıb

"2018-ci ildə “Minay” ilə Azərbaycanın “Sumqayıt” klubundan təklifim var idi. Fikirləşdim ki, Azərbaycana karyeramın sonunda, yaxşı pul qazanmaq üçün getmək lazımdır. Oynamaq və inkişaf üçün "Minay" variantını seçmək lazım idi və zaman haqlı olduğumu göstərir".

23 yaşlı futbolçu "Minay"da 41 oyun keçirib və 21 qol vurub.