Türkiyənin “Trabzonspor” basketbol klubunun baş məşqçisi Səlcuq Ernak vəzifəsindən azad edilib.

Newsport.az xəbər verir ki, bu barədə klubun mətbuat xidməti məlumat yayıb.

Qərar “Trabzonspor”un FIBA Çempionlar Liqasının qrup mərhələsinin 4-cü turunda Bakıda “Sabah”a 72:91 hesabı ilə məğlub olmasından sonra verilib.

Türkiyə klubunun açıqlamasında bildirilib:

“Trabzonspor” basketbol komandamızın baş məşqçisi Səlcuq Ernakın vəzifəsinə son verilib. Ona gələcək karyerasında uğurlar arzulayırıq”.

Qeyd edək ki, “Sabah” bu qələbə ilə A qrupunda ikinci qalibiyyətini qazanıb. “Trabzonspor” isə turnirdə ikinci məğlubiyyətini alıb.