Almaniya Bundesliqasında 26-cı turun oyunları start götürüb.

Newsport.az-ın məlumatına görə, iki günü əhatə edəcək turun ilk oyun günündə dörd qarşılaşma baş tutub.

“Frayburq” “Volfsburq”u, Mönxenqladbax “Borussiya”sı isə “Herta”nı məğlub yola salıb. “Yunion” – “Ştutqart” matçında qalib müəyyənləşməyib.

Lider “Bayern” isə ardıcıl 4 oyundur meydanı qələbə ilə tərk edən “Hoffenhaym”ın qonağı olub. Bu oyunda da tərəflər meydanı hərəyə 1 qol və 1 xalla tərk edib.

Dortmund “Borussiya”sı Bundesliqada qalmaq uğrunda mücadilə aparan “Arminiya”nı sınağa çəkəcək.

“Bayer” isə “Köln”lə münasibətlərinə aydınlıq gətirəcək. Bu komandaların ilk dövrədəki qarşılaşmasında (2:2) qalib müəyyənləşməmişdi.

“Auqsburq” – “Maynts” matçı qonaqların heyətində koronavirusa kütləvi yoluxma səbəbindən təxirə salınıb.

Almaniya Bundesliqası, 26-cı tur

12 mart

Yunion – Ştutqart 1:1
Qol: Avoniyi, 41-pen – Kaladziç, 90.

Frayburq – Volfsburq 3:2
Qol: Qrifo, 7; 44. Şlotterbek, 87 – Kruse, 52. Arnold, 84.

Hoffenhaym – Bayern 1:1
Qol: Baumqartner, 32 – Levandovski, 45+3.

Borussiya M – Herta 2:0
Qol: Plea, 24-pen. Ginter, 59.

13 mart

18:30 Bayer – Köln
20:30 Ayntraxt – Bohum
20:30 Borussiya D – Arminiya
22:30 Qroyter – Leyptsiq