Türkiyənin “Kayserispor” klubu heyətini yeni futbolçu ilə gücləndirib.

Newsport.az xəbər verir ki, Super Liqa təmsilçisi Portuqaliyanın “Belenenseş” klubundan Migel Kardozonu transfer edib.

Bu barədə klubun mətbuat xidməti məlumat yayıb. 27 yaşlı yarımmüdafiəçi ilə imzalanan müqavilənin detalları açıqlanmayıb.

Kardozo karyerası ərzində daha əvvəl İspaniyada “Deportivo”, Portuqaliyada “Rio Ave”, “Madeyra”, “Tondela”, Rusiyada “Dinamo” (Moskva) kimi klublarda çıxış edib.