"Yuventus"un hücumçusu Kriştiano Ronaldo yay transfer pəncərəsi dövründə başqa bir kluba keçmək istəsə, maaş tələblərini aşağı salmalıdır.

Newsport.az "Football Italia"ya istinadən xəbər verir ki, hazırda klublardan heç biri portuqaliyalı oyunçuya Turin təmsilçisində aldığı maaşı - ilinə 30 milyon avro ödəyə bilməyəcək. Ronaldo üçün yeganə seçim tələblərini azaltmaq və ya bu maaşın bir neçə mövsüm ərzində ödəniləcəyi müqavilə imzalamaqdır.

Qeyd edək ki, 36 yaşlı futbolçunun "Yuventus"la müqaviləsi 2022-ci ilin yayı başa çatır.