İngiltərə Premyer Liqasında 32-ci tura start verilib. 

Newsport.az-ın məlumatına görə, çempionluq uğrunda mübarizə aparan "Tottenhem" doğma meydanda "Uotford"u qəbul edib. Matç London təmsilçisinin 4:0 hesablı qələbəsiylə başa çatıb.

Bu nəticədən sonra Premyer Liqanın turnir cədvəlində 1 oyun az keçirən "Tottenhem" 68 xalla 2-ci pillədəki mövqeyini bir qədər də möhkəmləndirib. Maurisio Poçettinonun komandası 2 oyun az keçirən lider "Çelsi"dən 4 xal geridədir. "Zadəganlar"ın aktivində 72 xal var. "Uotford" isə 37 xalla 10-cu pillədə qərarlaşıb.

"Tottenhem" 4 - 0 "Uotford"

Qollar: Alli, 33, Dayer, 38, Son, 45, 55