İtaliya millisinin baş məşqçisi Gennaro Qattuzo DÇ-2026-nın final mərhələsinə vəsiqə üçün Şimali İrlandiya ilə keçirilən pley-off matçından sonra fikirlərini bölüşüb.

Newsport.az xəbər verir ki, italyanlar pley-off-un yarımfinalında evdə 2:0 hesabı ilə qalib gəliblər. Qattuzo matçı belə şərh edib:

"Bu, heç də asan deyildi. Rəqib şaquli ötürmələri ilə bizi təəccübləndirdi, daha yaxşı oynaya bilərdik. Lokatelli çox dərin oynadı, oyunu düzgün inkişaf etdirmədik və ya hazırlaşdığımız kimi oynamadıq, amma yaxşı çıxış etdik. Çox ləng  idik. Fasilədən sonra topu daha sürətli olduq. Bu oyunun çətin olacağını bilirdik, ona görə də indi enerjimizi toplamağa çalışmalıyıq.

Berqamodakı azarkeşlərə bir daha təşəkkür etmək istərdik. Demək olar ki, heç bir istehza eşitmədim və fasilədə alqışlarla soyunma otağına getdik. Berqamolulara təşəkkür edirəm və indi finala birlikdə gedirik",

Qeyd edək ki, İtaliya millisi pley-off-un finalında Bosniya və Herseqovina ilə qarşılaşacaq. Oyun martın 31-də keçiriləcək. Qalib gələn tərəf mundiala vəsiqə qazanacaq.