“Mançester Siti”nin baş məşqçisi Pep Qvardiola komandanın yarımmüdafiəçisi Rodrinin durumu ilə bağlı fikirlərini bölüşüb.

Newsport.az “City Report”-a istinadən xəbər verir ki, Qvardiola onun üçün əsas məsələnin Rodrinin özünü xoşbəxt hiss etməsi olduğunu bildirib:

“Yeganə istəyim Rodrini xoşbəxt görməkdir. Bilirəm ki, onun dizində hər şey qaydasındadır. Əzələləri ilə də problem yoxdur. Mən hamımızın tanıdığı Rodrini – oyundan zövq alan Rodrini görmək istəyirəm. İlk növbədə bunu onun özü üçün arzulayıram. Komanda üçün də, əlbəttə, bu çox vacibdir, bir az eqoist səslənsə də. Ümid edirəm ki, Rodri addım-addım sıraya qayıdacaq, çünki ötən mövsüm ona çox ehtiyac duyduq. O, iki il ardıcıl komandamızın ən yaxşı futbolçusu olub”.

İspaniyalı futbolçu daha əvvəl dizinin çarpaz bağlarını zədələmişdi.