“Dünən eşitdim ki, FIFA mənim Azərbaycan millisində çıxış etməyimə icazə verib. Mən bu anı gözləyirdim. Uzun müddətdir ki, Azərbaycandayam. Bu ölkə mənə çox doğmadır”.

Bu sözləri Qol.az-a açıqlamasında “Qarabağ”ın yarımmmüdafiəçisi Filip Ozobiç deyib.

FİFA 30 yaşlı xorvat futbolçunun Azərbaycan millisində oynamasına icazə verib. Bununla əlaqədar hazırda Avstriyada "Qarabağ"la təlim-məşq toplanışında olan Ozibiç deyib: “Səbirsizliklə millinin oyunlarını və yığmaya dəvəti gözləyəcəyəm. Millimizin baş məşqçisi mənə dəvət göndərərsə, mənim üçün doğmalaşmış Azərbaycanın seçmə komandasının uğurlu çıxş etməsi üçün hər zaman əlimdən gələni etməyə hazıram”.