Bu gün Misli Premyer Liqasında dördüncü tura yekun vurulub. 

Newsport.az xəbər verir ki, sonuncu oyun günündə iki matç keçirilib. 

Əvvəlcə “Şamaxı” öz meydanında “Karvan"ı qəbul edib. Qarşılaşma meydan sahiblərinin 3:0 hesablı qələbəsi ilə bitib.

Bununla da “Şamaxı” 4 turdan sonra 5 xalla 6-cı, Yevlax klubu isə 4 xalla 8-ci pillədə qərarlaşıb.

Turun son matçında isə “Neftçi” doğma divarlar arasında “Sabah”ı sınağa çəkib. Bu görüş 0:0 hesablı bərabərliklə başa çatıb. İlk 3 turda qələbə qazana bilməyən “Neftçi” hazırda 2 xalla turnir cədvəlində 10-cudur. “Sabah” isə 2 oyundan 3 xal toplayıb və 8-cidir. 

14 sentyabr (bazar)

19:00. “Neftçi” - “Sabah” - 0:0 
Hakimlər: İnqilab Məmmədov, Namiq Hüseynov, Elşad Abdullayev, Vüqar Həsənli
VAR: Kamal Umudlu
AVAR: Vüsal Məmmədov
“Neftçi Arena”

16:30. “Şamaxı” - “Karvan” - 3:0 

Qollar: Alfonso Msanqa, 38; Andrey Tirkoveanu, 45; Sezar Enrike, 71
Hakimlər: Fərid Hacıyev, Rəhman İmami, Akif Əmirəli, Əkbər Əhmədov
VAR: Nicat İsmayıllı
AVAR: Kamran Əliyev
Şamaxı şəhər stadionu