“Yuventus” Ueston Makkeyni heyətdə saxlayacaq. Turinlilər ABŞ millisinin oyunçusundan razıdır.

Newsport.az xəbər verir ki, İtaliya nəhənginin direktoru Marko Ottolini bu barədə danışıb: “Makkeyndən çox razıyıq. Yeni müqavilə ilə bağlı danışıqlarımız başlayıb. Ümid edirik ki, o da bizimlə qalmaq istəyəcək”.

Klub rəsmisi yarımmüdafiəçini tərifləyib: “O, çox səviyyəli oyunçudur, fərqli mövqelərdə komanda üçün böyük işlər görür. Statistikası heyranedicidir”.

Makkeyn 2020-ci ildən “Yuventus” forması geyir. Öncə icarəyə götürülən 27 yaşlı oyunçu daha sonra 22 milyon avro qarşılığında transfer edilib. Amerikalının müqaviləsi cari mövsümün sonunda başa çatacaq.