Azərbaycan millisinin üzvü Elvin Camalov Türkiyə yığması ilə keçirəcəkləri yoldaşlıq oyunu haqqında danışıb.

Newsport.az-ın məlumatına görə, 26 yaşlı yarımmüdafiəçi AFFA-nın rəsmi saytına açıqlamasında deyib:

"Hər oyuna olduğu kimi, sabahkı matça da ciddi şəkildə hazırlaşırıq. Türkiyə millisi bizə yad komanda deyil. Qardaş ölkənin komandasına qarşı oynayacağıq. Bizim üçün beynəlxalq oyun təcrübəmizi artırmaq baxımından vacib oyundur. Bu qarşılaşma Türkiyə millisinin Avropa çempionatının oyunlarına yaxşı hazırlaşmaq baxımından əhəmiyyət kəsb edir. Oyuna yaxşı köklənmişik. Hansı komandanın qalib gəlməsi o qədər də əhəmiyyət kəsb etmir. Əsas odur ki, dostluq, qardaşlıq qələbə qazanacaq”.

Qeyd edək ki, Alanyadakı “Oba” stadionunda keçiriləcək Türkiyə - Azərbaycan oyunu Bakı vaxtı ilə 21:00-da başlayacaq.