Jenilsona Azərbaycandan təklif var Meneceri təsdiqlədi

Kateqoriya: Ölkə futbolu | Tarix: 16.03.2021 00:38

Braziliyalı müdafiəçi Jenilson karyerasını Azərbaycanda davam etdirə bilər. Newsport.az xəbər verir ki, bu barədə Braziliya mətbuatı məlumat yayıb.

Bildirilir ki, son klubu “Yuventude” olan mərkəz müdafiəçisi fevralın 1-dən azad agent statusu daşıyır. 30 yaşlı futbolçuya Azərbaycanla yanaşı, Qazaxıstandan və Braziliya B Seriyasından da təkliflər var. Lakin onunla maraqlanan klubların adı açıqlanmır.

Futbolçunun meneceri Renan Vieyra da yerli mətbuata açıqlamasında Jenilsona ölkə xaricindən təkliflər olduğunu təsdiqləyib: “Təkliflər var və biz variantları analiz edirik, cavab gözləyirik. Eyni zamanda, Jenilsonu B Seriyasının bəzi klublarına da təklif etmişdik. Maraqlananlar, bu mövsüm onun xidmətindən yararlanmaq istəyənlər var. Yaxın gələcəkdə bir qərar verəcəyik”.

Qeyd edək ki, Jenilson 2019-cu ilin yanvarından “Yuventude”də çıxış edirdi. Təcrübəli müdafiəçi əvvəllər “Santa Krus”, “Quarani”, “Sampayo Korrea”, “Fortaleza” və “Boavişta” kimi klubların da formasını geyinib.

Paylaş