“Beşiktaş” evdə xal itirdi

Kateqoriya: Dünya futbolu | Tarix: 17.04.2021 00:05

Futbol üzrə Türkiyə Super Liqasında 35-ci tura start verilib.

Newsport.az xəbər verir ki, ilk oyun günündə 4 qarşılaşma keçirilib.

Autsayderlər qrupunda yer alan “Gənclərbirliyi” “Sivasspor”u qəbul edib. Beş qolun qeydə alındığı bu oyunda qonaqlar qələbə qazanan tərəf olub. “Rizəspor” da səfərdə “Antalyaspor”a oxşar hesabla qalib gəlib. “Kayserispor isə “Konyaspor” səfərində qolsuz heç-heçəyə razılaşıb.

Lider “Beşiktaş”ın bu turdakı rəqibi “Ankaragücü” olub. Dörd qolun qeydə alındığı bu oyun bərabərliklə bitib.

Türkiyə Super Liqası

35-ci tur

16 aprel

Gənclərbirliyi – Sivasspor 2:3

Qol: Angelo, 25. Yohansson, 37 – Feliks, 78. Kayode, 83. Polomat, 90+3-öz qapısına.

Konyaspor – Kayserispor 0:0

Antalyaspor – Rizəspor 2:3

Qol: V.Sarı, Naldo, 88 – İ.Köybaşı, 3. Boldrin, 6. Sabo, 65.

Beşiktaş – Ankaragücü 2:2

Qol: Kuluşiç, 45+4-öz qapısına; 52-öz qapısına – Peyntsil, 65; 90+3.

17 aprel