"Mançester Siti"nin baş məşqçisi Pep Qvardiola futbolçusu Serxio Aqueronun yayda komandadan ayrılacağına münasibət bildirib.

Newsport.az xəbər verir ki, 49 yaşlı mütəxəssis deyib: "Qarşıda hələ daha iki aylıq birgə işimiz var. Aquero məşqdə əla görünür. O, bizim üçün əvəzolunmazdır. Əlbətdə ki, Aqueronu statistik olaraq əvəzləyə bilərik. Amma onun "Mançester Siti"də 360 oyunu, 250-dən çox qolu, bir çox titulu var. Aquero əfsanədir və klubun son illərdəki ən yaxşı hücumçusudur. Qəlbimiz, azarkeşlərimiz, oyunçularımız və məşqçilərimiz üçün əvəzolunmazdır. Serxionun daha 3-5 il ərzində yüksək səviyyədə çıxış edə biləcəyinə əminəm".

Qeyd edək ki, 32 yaşlı hücumçu 2011-ci ildən "şəhərlilər"də çıxış edir. O, bu müddət ərzində 384 matçda 257 qol vurub və 73 qolun ötürməsini verib. Argentinalı oyunçu əcnəbilər arasında Premyer Liqanın ən yaxşı bombardiridir.