21 yaşadək futbolçulardan ibarət milli komandamızın üzvü Fərid Nəbiyevin çıxış etdiyi Çexiyanın “Viktoriya Jijkov” klubunda baş məşqçisi dəyişikliyi reallaşıb.  

Newsport.az-ın məlumatına görə, paytaxt təmsilçisi Zdenek Haseklə yollarını ayırıb. Uğursuz çıxışların ardından 52 yaşlı mütəxəssisin müqaviləsinə qarşılıqlı razılıq əsasında xitam verilib.  

Komanda Zdenek Hasekin köməkçisi vəzifəsində çalışan David Vavruskaya tapşırılıb. O, qış fasiləsinə qədər müvəqqəti olaraq Praqa klubunun baş məşqçisi vəzifəsində çalışacaq. 

Qeyd edək ki, “Viktoriya Jijkov” 7 turdan sonra 12 xal toplaya bilib və turnir cədvəlində 5-ci pillədə qərarlaşıb.