Xorvatiya millisinin baş məşqçisi Zlatko Daliç AÇ-2020-nin seçmə mərhələsində Slovakiyanı səfərdə 4:0 hesabı ilə məğlub etdikləri oyundan sonra açıqlama verib.

Newsport.az-ın məlumatına görə, 52 yaşlı mütəxəssis futbolçulardan razı qaldığını deyib:

"Oyundan sonra ilk təbrik mesajını Mario Mancukiçdən aldım. Xorvatiya milli komandası üçün hamımız birgə yaşayırıq. Bruno Petkoviç bu matçda yaxşı iş gördü. Topu irəlidə saxlayan bu tip oyunçulara ehtiyacımız var. Brekalo, Vlaşiç və Petkoviç kimi uğura ac olan futbolçulara ehtiyac duyuruq".

Xorvatiyalı mütəxəssis sentyabrın 9-u Bakıda Azərbaycana qarşı matçda diqqətli olmalarının vacib olduğunu sözlərinə əlavə edib:

"Azərbaycanla matçda diqqətli olmalıyıq. Daha öncə 15 xala ehtiyacımızın olduğunu demişdim və ümid edirəm ki, bunu əldə edəcəyik. Səfərdə Azərbaycanı və Tanrı imkan versə, Macarıstanı Splitdə məğlub etsək, bu, reallaşacaq. Özümüzü mütəmadi olaraq, göstərmək məcburriyətindəyik. Bu oyunda çox yaxşı idik. Həmişə belə olmalıyıq".