Fabritsio Romano “Mançester Yunayted”in Xaviyə mümkün marağından danışıb.

“Hələlik mümkün danışıqlar barədə heç nə eşitməmişəm. “Mançester Yunayted” məşqçi axtarışına başlayıb və bundan sonra nə olacağını görəcəyik. Hazırda konkret detallar yoxdur.

Deyə bilərəm ki, Xavi Premyer-Liqada işləməkdən məmnun olardı. “Barselona”dan ayrılıb fasilə verdikdən sonra işə qayıtmağa və yeni bir fəsil açmağa hazır olduğunu hiss edir. O, Premyer-Liqada işləməyə hazırdır və istəyir, amma hələlik onunla “Mançester Yunayted” arasında danışıqlar barədə heç nə eşitməmişəm”, – deyə tanınmış jurnalist bildirib.